أبسط تعديل ممكن الواحد فى مصر يعمله على الموتور هو فلتر الهواء, وأحسنهم من ناحية الفلوس, الصوت, والسهولة.
فلتر الهواء ببساطة كل وظيفته أنه ينقى الهواء اللى داخل للموتور أو بالأصح لل throttle body وال intake, وفى أغلب العربيات الفلتر بيبقى معزول جوه علبة بلاستيك وكل أجزاء منظومته مبتطلعش صوت الموتور وهو بيسحب هواء.
فلاتر الهواء السبور أسعارها رخيصة وحسب المكان اللى هتشترى منه ونوع الفلتر ممكن تشترى فلتر أى كلام من 70 جنيه لحد ماتوصل للسيموتا ب 200 فيما فوق وال K&N اللى بيرفرف عند 500 وأكثر, وده للفلاتر المخروطية والمشروم, الفلاتر العادية مش محتاجة شرح أصلا.
هتفتح كبوت عربيتك الأنجكشن هتلاقى فيه خرطوم كبير على الوش رايح من الموتور لعلبة سوداء كبيرة,
حسب عربيتك قدامك شوية حلول كويسين
1- ياتخلع العلبة كلها خالص, وتركب الفلتر مكانها على طول وتوصله على الخرطوم.
2- ياتسيب العلبة السوداء وتشيل الفلتر الأبيض القديم منها, وتحاول تحط الفلتر الجديد مكانه, و توصل الخرطوم بيه بحيث أنك تسيب كل حاجة مكانها ومتضطرش تخلع حاجة بدون سبب.
3- لو العربية عندك فيها حساسات كتير قبل ماتشترى الفلتر لازم تبص هل هينفع يركب عندك ولا لأ, فيه عربيات فيها حساسات فى علب الفلاتر, بالتالى مينفعش تشيلها, وعربيات فيها حساسات فى الخراطيم اللى رايحة للفلتر, بالتالى لو ناوى تغير الخرطوم وتركب كوع زى اللى تحت ده لازم تعلم حسابك يكون فيه مكان للحساس أو خرطوم الفايظ.
الحل الانسب أنك تشيل علبة الفلتر القديمة تماما بالفلتر وتحط الفلتر الجديد مكانها وتوصله بخرطوم ال intake, ده هيديك أحسن صوت للموتور والفلتر, وهيبقى شكل الموتور كده
فيه ناس بتحب تنزل الفلتر تحت الموتور أصلا علشان الموتور يبقى داخله هواء ساقع, لأن الهواء الساقع كثافته اعلى=أكسجين أكثر=عملية حرق أفضل=باور أعلى, عربيات كتير بيبقى تحت علبة الفلتر فتحة تانية بتوصل لعلبة ورا الرفرف علشان برضه تدخل هواء ساقع للموتور.
الموضوع ده ليه حلين, يا أما تطلع على أقرب محل ادوات صحية تجيب منه ماسورتين الأولى طولها من ماسورة ال intake بتاعة الموتور للفتحة, وماسورة تانية من الفتحة لتقريبا نص عندك الأكصدام, وكوعين للحاجة دى, المواسير هتبقى أقل سنة من قطر ماسورة ال intake علشان تعرف تلبسهم فى بعض, هتركب الماسورة الأولانية فى الخرطوم, وتركب الكوع فى الناحية التانية, وتركب الماسورة التانية فيه وتنزلها من الفتحة وتركب الكوع فيها من حت والفلتر فى الناحية التانية من الكوع, وتعلق الحوار ده كله ب 3 او 4 أفيز بلاستيك, وطبعا كل نقطة ربط تتثبت بأفيز حديد, بين الفلتر والكوع مثلا او ماسورة ال intake والماسورة البلاستيك, أنا بتكلم على العربيات المشهورة زى اللانوس والفيرنا, فيه عربيات مقاستها مختلفة بس النظام واحد وعيش أنت.
الحل التانى, بتوع الأكسسوارات بيبعوا ماسورة تخلص بيها الحوار ده كله بس هيلسعك فى سعرها أكثر من تلات أربع أضعاف القصة اللى فوق دى, بالميت
الفلتر المخروطى أنا شايف أنه أحسن تعديل بالنسبة لصوت العربية ممكن يتعمل, لو عايز تعلى صوت العربية سنة وتسمعها بتنعر مع الكبس مفيش حاجة هتبسطك أحسن منه.
العربيات الكاربراتير أغلبها الحوار ده للأسف مينفعش فيها علشان العمة والكارب, فيه ناس بتركب الفلاتر عليها برضه بمواسير وكلام من ده بس انا شايف أن الموضوع متعب ومالوش نتيجة.
فلتر الهواء ببساطة كل وظيفته أنه ينقى الهواء اللى داخل للموتور أو بالأصح لل throttle body وال intake, وفى أغلب العربيات الفلتر بيبقى معزول جوه علبة بلاستيك وكل أجزاء منظومته مبتطلعش صوت الموتور وهو بيسحب هواء.
فلاتر الهواء السبور أسعارها رخيصة وحسب المكان اللى هتشترى منه ونوع الفلتر ممكن تشترى فلتر أى كلام من 70 جنيه لحد ماتوصل للسيموتا ب 200 فيما فوق وال K&N اللى بيرفرف عند 500 وأكثر, وده للفلاتر المخروطية والمشروم, الفلاتر العادية مش محتاجة شرح أصلا.
هتفتح كبوت عربيتك الأنجكشن هتلاقى فيه خرطوم كبير على الوش رايح من الموتور لعلبة سوداء كبيرة,
حسب عربيتك قدامك شوية حلول كويسين
1- ياتخلع العلبة كلها خالص, وتركب الفلتر مكانها على طول وتوصله على الخرطوم.
2- ياتسيب العلبة السوداء وتشيل الفلتر الأبيض القديم منها, وتحاول تحط الفلتر الجديد مكانه, و توصل الخرطوم بيه بحيث أنك تسيب كل حاجة مكانها ومتضطرش تخلع حاجة بدون سبب.
3- لو العربية عندك فيها حساسات كتير قبل ماتشترى الفلتر لازم تبص هل هينفع يركب عندك ولا لأ, فيه عربيات فيها حساسات فى علب الفلاتر, بالتالى مينفعش تشيلها, وعربيات فيها حساسات فى الخراطيم اللى رايحة للفلتر, بالتالى لو ناوى تغير الخرطوم وتركب كوع زى اللى تحت ده لازم تعلم حسابك يكون فيه مكان للحساس أو خرطوم الفايظ.
الحل الانسب أنك تشيل علبة الفلتر القديمة تماما بالفلتر وتحط الفلتر الجديد مكانها وتوصله بخرطوم ال intake, ده هيديك أحسن صوت للموتور والفلتر, وهيبقى شكل الموتور كده
فيه ناس بتحب تنزل الفلتر تحت الموتور أصلا علشان الموتور يبقى داخله هواء ساقع, لأن الهواء الساقع كثافته اعلى=أكسجين أكثر=عملية حرق أفضل=باور أعلى, عربيات كتير بيبقى تحت علبة الفلتر فتحة تانية بتوصل لعلبة ورا الرفرف علشان برضه تدخل هواء ساقع للموتور.
الموضوع ده ليه حلين, يا أما تطلع على أقرب محل ادوات صحية تجيب منه ماسورتين الأولى طولها من ماسورة ال intake بتاعة الموتور للفتحة, وماسورة تانية من الفتحة لتقريبا نص عندك الأكصدام, وكوعين للحاجة دى, المواسير هتبقى أقل سنة من قطر ماسورة ال intake علشان تعرف تلبسهم فى بعض, هتركب الماسورة الأولانية فى الخرطوم, وتركب الكوع فى الناحية التانية, وتركب الماسورة التانية فيه وتنزلها من الفتحة وتركب الكوع فيها من حت والفلتر فى الناحية التانية من الكوع, وتعلق الحوار ده كله ب 3 او 4 أفيز بلاستيك, وطبعا كل نقطة ربط تتثبت بأفيز حديد, بين الفلتر والكوع مثلا او ماسورة ال intake والماسورة البلاستيك, أنا بتكلم على العربيات المشهورة زى اللانوس والفيرنا, فيه عربيات مقاستها مختلفة بس النظام واحد وعيش أنت.
الفلتر المخروطى أنا شايف أنه أحسن تعديل بالنسبة لصوت العربية ممكن يتعمل, لو عايز تعلى صوت العربية سنة وتسمعها بتنعر مع الكبس مفيش حاجة هتبسطك أحسن منه.
العربيات الكاربراتير أغلبها الحوار ده للأسف مينفعش فيها علشان العمة والكارب, فيه ناس بتركب الفلاتر عليها برضه بمواسير وكلام من ده بس انا شايف أن الموضوع متعب ومالوش نتيجة.
